اطباق للفطور ^_^

اطباق للفطور ^_^

السلام عليكم ورحمة الله وبركاته

آلكل يعرف أهمية وجبة الفطور بالنسبه للجسم ..

وخصوصآللطلاب والموظفين .. اما الي جالسين بالبيت ماعليهم ضيق متى ماقامو ياكلون شابورهمع كاس شاهي

عشان كذا لآزم نركز عليها أكثر من العشا ..

وبعض الناس مايحبون الفطور لانهم حاطين في بالهم انه خبز مع جبن وكاسشاهي بس

تلقينها تقول اتصبر لين الغداء احسن ..

غلط .. واكبر غلط تفوتين وجبة الفطور ..

ومن ناحيه الرشاقه .. وجبه الفطور تعتبر الوجبه الاساسيه لتحرك عضلات البطن في الهضم ..

لانها وجبه بعد الأستيقاظ من النوم .. فالجسم بيتحرك بدون كسل ..

معلومات بسيطه حبيت أطرحها واتمنى تستفيدون منها ..

نشوف مع بعض أنواع وجبات للفطور ..

وتقدرينتغيرين بالمقادير .. الي تبي دجاج بدل اللحم او تونه ..

] بيض بالمرتديلا [

نقطع المرتديلا + فلفل بارد وندهن الكاسات بزيت ونحط الفلفل البارد ثم المرتديلا ثم الجبن ..

نخفق البيض مع الملح وفلفل ونصبه عليهم ونحطهم بصينيه وندخلهم الفرن من تحت حوالي 15 دقيقه ..
او بالمكرويف 3 دقيايق ..

وتكون جاهزه ..

وبكذا تكون وجبه متكامله .. بروتين + كالسيوم + فيتامين من الفلفل البارد

وقدميها مع خبز وزيتون وكاس قهوه ..

[فطاير الجبنه]

علبه جبن (يفضل فيتا) او حلوم حسب رغبتك + 2 بيضه +

1 كاس طحين + فانيليا + سكر

نفصل صفار البيض عن البياض .. ونخلط الصفار مع 2 ملعقه صغيره

سكر وملعقه صغيره فانيليا .. ثم نضيف الطحين والجبنه بعد تفتيتها

بياض البيض نخفقه لحاله حتى ينفش ..

ثم نضيفه على العجينه .. ونبدا نصبه بالتاوه بعد دهنها بالزبده ..

دقيقه ثم نقلبها ..

وقدميها مع العسل او المربى ..

"بالهناء والشفاء"

^^

اشوفه دايم في الدعايات وخصوصا عند الامريكان ’’

واخيرا عرفته ههه تسسلم ايديتس يالغلا ’’

لاهنتي ’ ياست الهوآنم ..

يسلمك ربي
شاكره لك مرورك
نورت

اغلبنا مهملين في هَالوجبة :"" عن نفسي الفطور ما اعترف فيه الا خميس وجمعه
وايام الدوام عصير وأي شي حالي وانا ماشيه > لازم السكريات تحسباً لأي طاريء
وصفات حلوة مرة يعطيك العافية

اهم شي الخميس والجمعه تعترفين فيه
شاكره لج تواجدج
نورتي