تبييض الأسسنان !

السلام عليكم ورحمة الله
الموضوع واضح من عنوانه استفدت من هَالموضوع بِ شكل كبير صراحة
كنت ابحث ولقيته فَ حبيت تستفيدون منه
يعني اللي يفكر يسوي تبييض لـ اسنانه ومايعرف كيف طريقته ؟ أو ماعنده ملعومات كافيه عن التبييض وانواعه
راح يستفيد من هَالموضوع بِ إذن الله


.
الفرق بين التصبغات الخارجية وَ الداخلية؟


التصبغات الخارجية

# بشكل عام تصبغات الأسنان الخارجية, سهل جداً تبييضها وتستجيب بـ سرعة لعملية التبييض, وتحقق نتائج مرضية.

# التصبغات الخارجية، سهلة انها تزال، ويخفف منها، بدون عملية التبييض المعروفة, عن طريق تقنية تسمى الـ Polishing في العيادة = تلميع الأسنان



"عن طريق استخدام معجون خاص، وآداة خاصة يتم إزالة التصبغات الخارجية في جلسة واحدة وأقل من 10 دقائق"

# لاحظوا هنا بس شلنا أي تصبغ خارجي،، وحصلنا بس على لون السن الطبيعي،
يعني لو لون سنك أبيض ، راح تعجبك النتيجة،، بس لو أصلن لون السن مو ابيض "مثلا مائل للاصفرار" راح يظل لون السن الطبيعي مثل ماهو .

،

التصبغات الداخلية

# التصبغات الداخلية المنشأ, تكون أقل استجابة لـ عملية التبييض, وتعطي نتائج أقل, وقد لا تحقق رضا المريض

# غالبا، ما نستطيع إزالتها والتخفيف منها بـ تقنية الــ "theeth bleaching" = التبييض
واللي يعطي لون أبيض أفتح من لون السن الطبيعي

# و له أنظمة وتقنيات متعددة،
.
.
أغلب الأنظمة المستخدمة في تبييض الأسنان





1- التبييض في عيادة الأسنان، بواسطة الطبيب أو أخصائي صحة الفم والأسنان

2- التبييض في المنزل , بـ إشراف من الطبيب أو أخصائي صحة الفم والأسنان
(باستخدام قالب للأسنان ، وجل خاص للتبييض)

3- التبييض في المنزل،, بـ إستخدام المنتجات المتوفرة في الأسواق
(معاجين, مضمضات, أشرطة مبيضة, ..... الخ)

4- التبييض في المنزل، بـ إستخدام خلطات و وصفات متداولة بين الناس
.
:
كيف تتم عملية التبييض؟ - بـ النسبة لـ الأنظمة المذكورة سابقاً

راح اتكلم عن كل نظام بـ شكل منفصل، وراح أبدأ بـ العكس

،

4-التبييض في المنزل، بـ إستخدام خلطات و وصفات متداولة بين الناس


،

3-التبييض في المنزل،, بـ إستخدام المنتجات المتوفرة في الأسواق
(معاجين, مضمضات, أشرطة مبيضة, ..... الخ)

وهذي تعتمد إما على وضع مادة - خشنة \ كاشطة \ abrasive - على السن عشان تحكه وتشيل التصبغات، كما في بعض معاجين الأسنان
أو أنها تحتوي على نسبة ضئيلة من مادة مبيضة لـ الأسنان، وراح تفتح لون السن بـ شكل بسيط جداً
و ممكن مايكون بـ الشكل المرضي

،

2- التبييض في المنزل , بـ إشراف من الطبيب أو أخصائي صحة الفم والأسنان



في هـ الطريقة، راح يعطيك الطبيب قالب لـ الاسنان، إما جاهز أو يصنعه على شكل ومقاس أسنانك
ويعطيك كمان جل التبييض - وأكيد بـ نسبة أقل من المستخدم في العيادة
وتستخدمه على حسب التعليمات، إما ساعات محددة من النهار، أو طوال الليل
وهـ الطريقة تعطي نتائج حلوة، ومرضية لـ الطرفين
ولكنها تاخذ وقت، يعني يبي لك من اسابيع لـ شهر \ شهرين إلى أن تحصل على النتيجة المطلوبة

،

1-التبييض في عيادة الأسنان، بواسطة الطبيب أو أخصائي صحة الفم والأسنان

وهـ النظام مرة طريقته سهلة وبسيطة، وتتم عن طريق وضع جل (يحتوي مادة مؤكسدة) على الأسنان،
لـ تقوم بتفاعل كيميائي مع السن (أكسدة) ينتج عن التفاعل طرد الجزيئات الملونة أو إزالة اللون

يعني عملية التبييض, مو بس ممكن تزيل لك التصبغات وبس،
لا ممكن تفتح من لون السن نفسه ونحصل على لون أفتح من اللون الطبيعي لـ السن
<<وأكيد شفتوا مليون مرة اسنان مثل (بياض الثلج) وهذا مو لون طبيعي بكل تأكيد

،

طيب السؤال اللي ممكن تسألونه،، ايش الفرق بين أنظمة التبييض هذي؟

طبعاً في طرق سليمة ومضمونة وفي طرق تضر بـ الأسنان أكثر مما تنفع
يعني اللي تحت اشراف طبيب \ اخصائي أو اللي الأدوات اللي من السوق

غالباً وبشكل عام، الفرق يكون في المادة المؤكسدة ، هل هي من المصرح بها وبالنسب المصرح بها؟؟
غالبا ماتترواوح نسبة المادة المبيضة "المؤكسدة" في وسائل التبييض المنزلية من 15 - 20%

و في وسائل التبييض في العيادة من 25- 40 % وأحيانا 50%
بس هـ النسبة وعلى الرغم من أنها تعتبر عالية، إلا أنو مافي منها خوف لأنها تحت اشراف مختص
.
:
هل من مضاعفات لـ عملية التبييض؟

دائماً ما يسألون الناس، هل عملية التبييض آمنة، مافي منها خوف
ايش ممكن يصير في أسناني بعد ماأسوي تبييض، ...الخ

طيّب أعطيكم هيّا على بلاطة

التبييض إذا تم تحت إشراف طبيب او اخصائي صحة الفم والأسنان
إن شاء الله مافي منه ضرر،
بس الشي اللي نتوقعه هو حدوث حساسية لـ الاسنان تروح مع الوقت
" تمتد من ساعات \ إلى أيام بعد التبييض"

،

التبييض اللي مو بـ اشراف من احد، مثل ماقلت سابقا،،راح يسبب بالاضافة لـ الحساسية
أنو ممكن يأثر ع طبقة المينا، و كمان ممكن يأثر على عصب السن ويموت
غير انو ممكن المادة المبيضة تسبب حروق في اللثة و انسجة الفم لما تزيد الكمية او تركيز المادة نفسها

.
:
هل ينصح بعملية التبييض؟
هذا السؤال اللي -مدري وش يبي -

جوابي دائما وأبدا،، التبييض مو علاج هو شي جمالي راجع لـ رغبة الشخص
إذا كان راضي ومقتنع بـ لون أسنانه أو لا

فــ أي واحد يبي يسوي تبييض مانقدر نقوله لا،، بس لازم ما يكون واحد من اللي:

1- أعمارهم أقل من 20 سنة
مايفضل تبييض الأسنان لـ الاشخاص الصغيرين في السن
ليه؟ لأن عصب السن يكون كبير، وقريب من طبقة المينا، وممكن يتأثر سلباً بـ المادة المبيضة

،

2- الناس اللي يشكون من حساسية الأسنان
التبييض ممكن يؤدي لـ حساسية الأسنان، فـ اللي عنده حساسية راح يزيد منها

،

3- الناس اللي عندهم التهابات وأمراض لثة
معليش بس احقاقاً لـ الحق،، العلاج أهم من التجميل
"عشان مايقولون من برا هالله هالله ومن جوا يعلم الله"
أهتم بصحة فمك وأسنانك أول وأهم بعدين فكر بـ التبييض

،

4- الناس اللي عندهم تراجع وانحسار باللثة أو جذور مكشوفة
ليش؟ لأن الجذور أصلن حساسة، فـ بتحط عليها مادة التبييض "الجل المؤكسد" راح تزيد من حساسية الاسنان

،

5- الناس اللي عندهم حشوات أو تيجان أو جسور
ليييه؟ لأن مهما بيضت ومهما فرحت بـ نتيجة التبييض
التبييض بس راح ينفع مع الاسنان الطبيعية،، أي شي صناعي او تركيبة في الفم مارح ينفع معاها التبييض
وبيصير فيه فرق كبير بين لون الاسنان الطبيعية و التركيبة،، وبـ تضطر تعيد كل الشغل اللي في فمك !
لذلك اللي عنده نية تبييض وبيركب تركيبة او حشوة،، يسوي التبييض أول، بعدين يكمل شغل الحشوات أو التركيبات

،

6- الأسنان المصابة بـ التسوس
السن مسوس ورايح ، يعني بتبيض ايش ياعم؟

.
:
كثير يسألون..

هل يدوم تبييض الأسنان؟

كيف احمي اسناني من التصبغات بعد التبييض؟

كيف احتفظ بـ نتيجة التبييض لـ أطول فترة ممكنة؟

،

طبعا ، أول شي لازم نعرف،، انو التبييض مايدوم على طول
مصير السن يرجع يتصبغ عاجلاً أم آجلاً
لكن فيه كم من نصيحة، عشان أحافظ ع نتيجة التبييض أطول وقت ممكن،،

1-التقليل من المشروبات التي تسبب التصبغ
عشان نحافظ ع نتيجة التبييض قدر الامكان،، وفيه قاعدة بسيطة تقول:
What stain T-shirt, will stain teeth


2- الشرب بـ المصاص straw
أي شي ملون يفضل تشربونه بالمصاص
ليه؟ عشان أي شي ملون مايمر ع الاسنان الامامية ويسبب تصبغها
على طول يروح الشراب داخل الفم

3-التفريش مباشرة بعد تناول أو شرب أي شي يحتوي عـ الأصباغ والملونات
ليه؟ عشان ماتجلس عـ السن فترة طويلة و تثبت التصبغات فيه اكثر

4- الابتعاد تماماً عن التدخين والتشييش والتحشيش
لما لها من اضرار معروفة، إلى جانب تصبغها لـ الأسنان
.
:
الجزء اللي كثير منكم ينتظرهـ

الجزء الأكشن

طيب الحين السؤال المهم
واللي اتوقع كثير منكم يسأله..

ألا وهو

وش الفرق بين انظمة التبييض, وأيهم أفضل؟
وش الفرق بين اللي في العيادة وفي المنزل؟
وش الفرق بين الليزر والبلازما لايت والبرايت سمايل؟؟


،


أجاوب ولا اشلووون


،

طاااايب

نجي نشوف كيف أصلن نسوي التبييض
مثل ماشرحت لكم مسبقاً،، راح أعيد الطريقة بـ شكل خطوات

1- وضع المادة المبيّضة \ المؤكسدة على السن - اللي هيّ غالباً تكون (هيدروجين بيروكسايد H2O2)



،

2- راح تقوم المادة المبيضة بـ عملها في التبييض
وهنا ممكن نستخدم كذا مصدر للـ Activation ، لـ تسريع عملية التبييض

- A -
ممكن نستخدم جهاز لـ الضوء يسمى بـ Light-Cure



ومع هذا الجهاز ممكن نصل لـ 4 جلسات تبييض، مدة كل جلسة نصف ساعة على الأقل
حتى نصل لـ درجة اللون المطلوبة

،

- B -
استخدام ضوء الليزر ، لـ تنشيط المادة المبيّضة



،

- C -
استخدام ضوء البلازما ، لـ تنشيط المادة المبيّضة



،

- D -
استخدام تقنية البرايت سمايل ، لـ تنشيط المادة المبيّضة



،

* شايفين ايش كاتبة عند كل نظام في عملية التبييض،، كلها لـ التنشيط واللي يفرق بينهم هو بس الوقت ،
يعني جهاز الليزر والبرايت سمايل والبلازما عادة ً جلسة واحدة، و دقائق معدودة ، ونكون مخلصين التبييض في جلسة واحدة

،

نرجع لـ السؤال، ايش الأفضل اسوي تبييض ، منزلي \ ليزر \ برايت سمايل \ بلازما لايت؟

الجواب ،،

يرجع لـ رغبتك أنت، إذا بالك طويل وممكن تنتظر النتيجة بعد اسابيع ، راح يكون افضل لك التبييض المنزلي
لو بالك طويل، بس مو مرّة، ممكن التبييض بـ الضوء العادي أو الـ light cure ، وراح تحصل ع اللون اللي تتمناهـ بعدد معيّن من الجلسات
لو مستعجل مرة، فجأة صحيت لقيت أنو اليوم موعد زواجك ، ممكن تلجأ لـ الطرق الأسرع، وهي الليزر ، والبلازما ، أو البرايت سمايل

،

مع امنياتي لكم بـِ اسنان برّاقه ولامعه
انتهى !

تسلم يدينك موضوع مره حلو وبصراحه استفدت منه كثير
ودايما يقولون خلك على الطبيعي احسن لان مافي منه ضرر ان شاء الله

يسلموووووووووووووويالغلا على الموضوع الحلو

^^

هذا اللي مايخليني اروح للاسنان


والله بعض المرات احس بوجع منهاااا بس الابره تخوف

لاهنتي يالغلا ...

اقتباس:

تسلم يدينك موضوع مره حلو وبصراحه استفدت منه كثير
ودايما يقولون خلك على الطبيعي احسن لان مافي منه ضرر ان شاء الله

يسلموووووووووووووويالغلا على الموضوع الحلو

اهم شي استفدتي هذا اللي ابيه
صحيح كلآمك
الله يسلمك , منورة يَاحلوة

اقتباس:
^^
هذا اللي مايخليني اروح للاسنان
والله بعض المرات احس بوجع منهاااا بس الابره تخوف
لاهنتي يالغلا ...

كلنا نخاف انا قسسسم من قبل ما اروح بطني يمغصني لين ما ادخل العياده وانا أرررتجف
بس اللي يبي الزيييين يتحمّل

منور مستر ودي بك

^ ^

آجلس آرجف لين آرجع ,

موضوعك آستفدت منه كثير ,

مآ آحب آللعب بآسنآني آبد ,

آوقآت آقول بسوي وآسوي بعدين آترآجع ,

آلآ آلحششو طبعآ مآ آترآجع ,

يعآفيك ربي تعوبة ,

موضوعك جميل آستفدنآ منه مرره ..

اقتباس:
المشاركة الأصلية كتبت بواسطة α м α l عزيزى العضو \ الزائر لايمكنك مشاهده الروابط الا بعد الرد

^ ^

آجلس آرجف لين آرجع ,

خخخخخخخـ

والله طلعتوا خوافين كلكم واولكم ودي .. هع .. >> ترا ما ضيع 50 ريال كشف عشان الابرهـ ..خخخخخـ ..

يعطيكـ العافية تعبتـ ..

مرسي ..